ບົດລາຍງານ
ກ່ຽວກັບການກໍ່ສ້າງອາຄານອາຄານຮຽນ 6 ຫ້ອງຮຽນຂະໜາດ 8x42ແມັດໂດຍໄດ້ຮັບທຶນສະໜັບສະໜູນຈາກໂຄງການມູນນິທິເກື້ອຝັນເດັກ
- ອີງຕາມ ຂໍ້ຕົກລົງຂອງທ່ານຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີສະບັບເລກທີ:5577/ສກຂ.ຊຍລົງວັນທີ 24.12.2018 ວ່າດ້ວຍການແຕ່ງຕັ້ງຄະນະຮັບຜິດຊອບລວມກ່ຽວກັບການກໍ່ສ້າງອາຄານ6 ຫ້ອງຮຽນ.
- ອີງຕາມ ຜົນສຳເລັດຂອງການຈັດຕັ້ງປະຕິບັດການກໍ່ສ້າງອາຄານຮຽນ 6 ຫ້ອງຮຽນຂະໜາດ 8x42 ແມັດປະຈຳສົກຮຽນ: 2018-2019
- ອີງຕາມ ການຄົ້ນຄົ້ວາ,ເຫັນດີເປັນເອກະພາບຂອງຄະນະອຳນວຍການໂຮງຮຽນ
ຄະນະຮັບຜິດຊອບການກໍ່ສ້າງອາຄານຮຽນ6ຫ້ອງຮຽນຂະໜາດ 8x42 ແມັດຂອງໂຮງຮຽນເຕັກນິກ-
ວິຊາຊີບແບບປະສົມແຂວງໄຊຍະບູລີຂໍລາຍງານກ່ຽວກັບການຈັດຕັ້ງປະຕິບັດການກໍ່ສ້າງອາຄານໃນສົກຮຽນ: 2018-2019 ດັ່ງລາຍລະອຽດລຸ່ມນີ້:
1. ສະພາບລວມ
ການກໍ່ສ້າງອາຄານຮຽນ 6 ຫ້ອງຮຽນຂະໜາດ 8x42 ແມັດໄດ້ເລີ່ມຕົ້ນການກໍ່ສ້າງແຕ່ວັນທີ
17.12.2018 ຫາວັນທີ 5.7.2019 ລວມໄລຍະເວລາ 125 ວັນ ເຊີ່ງແມ່ນທາງໂຮງຮຽນໄດ້ແຕ່ງຕັ້ງຄະນະຮັບຜິດຊອບ
ພາກສະໜາມສາຂາກໍ່ສ້າງເຄຫະສະຖານຈຳນວນ 4 ຄົນ,ນັກສຶກສາສາຂາກໍ່ສ້າງຈຳນວນ 32ຄົນ,ຍິງ 2 ຄົນ,ໂດຍການນຳໃຊ້ແຮງງານຂອງນັກສຶກສາທັງໝົດພາຍໃນໂຮງຮຽນໃນການຊ່ວຍວຽກແຕ່ລະກິດຈະກຳໂດຍແມ່ນສາຂາກໍ່ສ້າງເຄຫະສະຖານ,ສາຂາໄຟຟ້າເຕັກນິກ,ສາຂາຊ່າງຈອດໂລຫະ ແລະ ທໍ່ນໍ້າ,ສາຂາຊ່າງໄມ້,ສາຂາຊ່າງສ້ອມແປງທົ່ວໄປພ້ອມດ້ວຍນັກສຶກສາໃນຂະແໜງການຕ່າງໆທີ່ກ່ຽວຂ້ອງໃນການຈັດຕັ້ງປະຕິບັດວຽກງານຕ່າງໆຕາມໜ້າວຽກທີ່ມອບໝາຍໃຫ້.
2. ການຈັດຕັ້ງປະຕິບັດຕົວຈິງ.
- ພະນັກງານ ແລະນັກສຶກສາສາຂາກໍ່ສ້າງເຄຫະສະຖານຈຳນວນ 32ແຮງງານຮັບຜິດຊອບວຽກງານການກໍ່ສ້າງວຽກຕີຜັງ,ຕັ້ງເສົາຕໍມໍ,ເທຄານດິນ,ເທເສົາ,ເທຄານເທິງ,ຕັ້ງວົງກົບ,ກໍ່ດິນຈີ່ຝາໜ້າ 10cm ,ເທຄານທັບ,ກໍ່ຊ່ອງລົມ,ໂບກຝາ,ເທພື້ນ,ເທຟຸດບາດທາງຢ່າງ,ເທພະນັກນັ່ງ,ຕິດກະໂລພື້ນ,ທາສີ ແລະວຽກອະນາໄມອ້ອມອາຄານ.
- ພະນັກງານ ແລະນັກສຶກສາສາຂາຊ່າງໄມ້ຈຳນວນ 15ແຮງງານຜະລິດວົງກົບປະຕູ,ວົງກົບປ່ອງຢ້ຽມ,ຕິດບານປະຕູ,ຕິດຕັ້າງກະດານຂາວໃນອາຄານຫ້ອງຮຽນ,ຜະລິດໂຕະຕັ່ງນັກຮຽນ 90ຊຸດ ແລະ ໂຕະຕັ່ງຄູຈຳນວນ 6ຊຸດ.
- ພະນັກງານແລະນັກສຶກສາສາຂາຊ່າງຈອດໂລຫະ ແລະ ທໍ່ນໍ້າຈຳນວນ34ແຮງງານຈອດໂຄງຫຼັງຄາຈຳນວນ 600ຕາແມັດ ແລະ ຈອດລະບຽບຫ້ອງຮຽນຈຳນວນ 24 ຕາແມັດ.
- ພະນັກງານແລະນັກສຶກສາສາຂາໄຟຟ້າເຕັກນິກຈຳນວນ 37 ແຮງງານຕິດຕັ້ງອດກໄຟ,ຕິດຕັ້ງພັດລົມຕິດຝາ,ຕິດຕັ້ງກ່ອງລອຍເດີນລາງວາຍເວ,ເດີນສາຍໄຟໃນທໍ່ເທິງເພດານ,ຕໍ່ດອກໄຟ,ປະກອບກະດານໄຟຟ້າ ແລະ ປະກອບຕູ້ໂລດ,ເດີນຕາຂ່າຍພາຍນອກອາຄານພ້ອມກວດເຊັກລະບົບໄຟຟ້າທັງໝົດໃນອາຄານ.
- ໄດ້ຮັບການກວດກາທາງດ້ານເຕັກນິກການກໍ່ສ້າງຈາກຄະນະຮັບຜີດຊອບລວມຂັ້ນພະແນກສຶກສາທິການ ແລະກິລາແຂວງເປັນແຕ່ລະໄລຍະການກໍ່ສ້າງແຕ່ລະໜ້າວຽກຕາມສັນຍາໂຄງການ.
- ໄດ້ຜ່ານການຄໍ້າປະກັນຕາມລະບຽບຂອງໂຄງການເກື້ອຝັນເດັັກໃນການຮັບປະກັນການກໍ່ສ້າງອາຄານໃນໄລຍະ 1 ປີ
- ເອົາໃຈໃສ່ໃນການປົກປັກຮັກສາແລະສ້ອມແປງໃນກໍລະນີທີ່ມີການເປີເປື້ອນພາຍໃນອາຄານ ແລະ ສ້ອມແປງອຸປະກອນຮັບໃຊ້ຕ່າງໆພາຍໃນອາຄານດັ່ງກ່າວໃນແຕ່ລະປີ.
3. ດ້ານງົບປະມານການກໍ່ສ້າງ.
ງົບປະມານໃນການຊື້ວັດສະດຸ ແລະ ອຸປະກອນການກໍ່ສ້າງທັງໝົດແມ່ນໄດ້ຮັບການສະໜັບສະໜູ
ນຈາກໂຄງການເກື້ອຝັນເດັກມູນຄ່າ: 425.000.000 ກີບ ຄິດໄລ່ຄ່າແຮງງານຕ່າງໆໃນນການກໍ່ສ້າງໂດຍແມ່ນໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີດຳເນີນການກໍ່ສ້າງໂດຍພະນັກງານວິຊາການສາຂາກໍ່ສ້າງເຄຫະສະຖານລວມມູນຄ່າ: 595.000.000 ກີບ ລວມມູນຄ່າການກໍ່ສ້າງທັງໝົດ: 1.020.000.000 ກີບ
4. ຜົນໄດ້ຮັບຂອງໂຄງການ
- ໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໄດ້ຮັບຫ້ອງຮຽນພາກທິດສະດີຈຳນວນ 6 ຫ້ອງ
ຮຽນເຊິ່ງແຕ່ລະຫ້ອງຮຽນມີໂຕະຕັ່ງນັກຮຽນ15ຊຸດ ແລະ ໂຕະຕັ່ງຄູ 1 ຊຸດ ພ້ອມປະກອບການດານຂາວ 1 ແຜ່ນຄົບຊຸດ.
- ໂຮງຮຽນມີອາຄານຮໍ່າຮຽນພາກທິດສະດີພຽງພໍຕາມຈຳນວນນັກຮຽນໃນແຕ່ລະສາຂາວິຊາຮຽນ.
5. ຂໍ້ສະດວກ,ຂໍ້ຫຍຸງຍາກ ແລະ ຂໍ້ສະເໜີຕ່າງໆ.
5.1 ຂໍ້ສະດວກ
- ໄດ້ຮັບການຊີ້ນຳ ແລະ ໄກ້ສິດຕິດແທດຢ່າງເປັນປະຈຳຈາກຄະນະນຳຂອງພະແນກສຶກສາທິການ ແລະ ກິລາແຂວງໃນແຕ່ລະໄລຍະການກໍ່ສ້າງຕາມແຕ່ລະໜ້າວຽກໂດຍສະເພາະແມ່ນໜ່ວຍງານກໍ່ສ້າງຂອງພະແນກສຶກສາທິການແລະກິລາແຂວງ.
- ພະນັກງານ ແລະນັກສຶກສາໃນແຕ່ລະຂະແໜງການຮຽນໄດ້ເປັນເຈົ້າການໃນການດຳເນີນການກໍ່ສ້າງອາຄານຕາມໜ້າວຽກຂອງຕົນ,ໂດຍສະເພາະແມ່ນພະນັກງານວິຊາການ ແລະນັກສຶກສາໃນສາຂາກໍ່ສ້າງເຄຫະສະຖານເປັນຜູ້ຕິດຕາມໂຄງການລະອຽດ.
- ພະນັກງານຄູສອນ ແລະນັກສຶກສາໄດ້ຮັບປະສົບການໃນການກໍ່ສ້າງອາຄານ.
- ໄດ້ຮັບງົບປະມານໃນການສະໜັບສະໜູນການກໍ່ສ້າງເປັນຕົ້ນແມ່ນການຊື້ວັດສະດຸ ແລະ ອຸປະກອນການກໍ່ສ້າງຈາກໂຄງການເກື້ອຝັນເດັກຢ່າງເປັນປົກກະຕິໃນໄລຍະການດຳເນີນການກໍ່ສ້າງ.
5.2 ຂໍ້ຫຍຸ້ງຍາກ
- ໄລຍະເວລາໃນການກໍ່ສ້າງອາຄານແມ່ນມີໄລຍະເວລາຈຳກັດ
- ໄລຍະການກໍ່ສ້າງແມ່ນຖືກໃນໄລຍະເວລາຊ່ວງລະດູຝົນເຮັດໃຫ້ການກໍ່ສ້າງແມ່ນໃຊ້ເວລາດົນນານເນື່ອງຈາກສະພາບດິນຟ້າອາກາດ.
- ເນື່ອງຈາກການແຜ່ລະບາດຂອງພະຍາດໂຄວິດ 19 ພາຍຫຼັງສຳເລັດການກໍ່ສ້າງອາຄານແລ້ວຈື່ງບໍ່ສາມາດຈັດພິທີມອບໍ່ຮັບອາຄານດັ່ງກ່າວໃນໄລຍະເວລາດັ່ງກ່າວໄດ້ຈຶ່ງເຮັດໃຫ້ມີການເລື່ອນເວລາໃນການມອບ-ຮັບອາຄານແກ່ຍາວດົນນານພໍສົມຄວນ.
- 5.3 ຂໍ້ສະເໜີ
- ສະເໜີໃຫ້ທາງໂຄງການເກື້ອຝັນເດັກສືບຕໍ່ໃຫ້ການຊ່ວຍເຫຼືອໂຮງຮຽນເຕັກນິກ-ວິຊາຊີບແບບປະສົມແຂວງໄຊຍະບູລີໃນການຕິດຕັ້້ງລະບົບອ່າງນໍ້າຮັບໃຊ້ພາຍໃນໂຮງຮຽນ, ແລະງົບປະມານໃນການສ້ອມແປງຄອມພິວເຕີທີ່ເປ່ເພທີ່ໄດ້ຜ່ານການກວດກາຈາກໂຄງການເກື້ອຝັນເດັກ.
